मराठी संगीतविश्वातील लोकप्रिय गायक प्रथमेश लघाटे आणि गायिका मुग्धा वैशंपायन यांनी नुकतीच तब्बल ३१ लाख रुपयांची टोयोटा क्रिस्टा ZX ही आलिशान कार खरेदी केली असून चाहत्यांकडून त्यांच्यावर शुभेच्छांचा वर्षाव होत आहे.
प्रथमेश आणि मुग्धा दोघांनीही लहान वयातच शास्त्रीय गायनाचे धडे घेत आपल्या संगीतप्रवासाची सुरुवात केली. सारेगमप लिटिल चॅम्प्स या लोकप्रिय गायन स्पर्धेत सहभागी झाल्यानंतर प्रथमेशला खरी ओळख मिळाली. या स्पर्धेत त्याने टॉप ५ मध्ये स्थान पटकावत आपली वेगळी छाप पाडली.
भावगीत, भक्तीगीत आणि सुश्राव्य गायनशैलीमुळे प्रथमेश सोशल मीडियावरही प्रचंड लोकप्रिय ठरला आहे. आज तो अनेक संगीत कार्यक्रमांमध्ये व्यस्त असतो. याच संगीतविश्वात काम करत असताना गायिका मुग्धा वैशंपायन हिच्यासोबत त्याचे सूर जुळले आणि हे नातं पुढे विवाहबंधनात अडकले.
आज त्यांच्या यशाची साक्ष देणारी ही आलिशान कार केवळ लक्झरीचं प्रतीक नसून त्यांच्या मेहनत, सातत्य आणि संगीतप्रेमाचं फळ असल्याचं बोललं जात आहे.
प्रथमेश लघाटे आणि मुग्धा वैशंपायन यांच्या पुढील संगीतप्रवासासाठी आणि वैवाहिक आयुष्यासाठी मनःपूर्वक शुभेच्छा! 💐🎶